AXEL

Héðan af hafinu er allt gott að frétta.

Og hann Axel á afmæli í dag.

Axel er einn af mottusöfnurum áhafnarinnar. Eins og sést.

Og best að nota tækifærið og minna á áheitasöfnun mottukarla til styrktar Krabbameinsfélaginu.

http://karlmennogkrabbamein.is/keppnin/keppandi?cid=2597

Hér fyrir ofan er slóðin inn á mottu karlana okkar á "karlmenn og krabbamein" Þar er hægt að sjá þá og heita á þá. Líka er hægt að senda SMS.

Sendu SMS

Sendu SMS á númerið 905-5555 með keppnisnúmeri 3597 í textasvæðið til að heita á keppanda.

Ath - 499 krónur verða gjaldfærðar af símreikningi

Og nú er boltinn hjá Eyjamönnum.

Fimmtudagskvöld.

Við erum enn í góðu veðri og fiskiríi. Nú er það ufsi sem er að koma í kerin.

 

Bara eftir að ísa yfir efsta lagið. 

 

Stebbi Hill sýnir okkur eitt stykki löngu.

 

Svo kemur mottumynd.

Óðinn að horfa á uppáhaldsliðið sitt í Enska fótboltanum, Liverpool. Vinna leik. Karl greinilega kátur með úrslitinn. 

 

Svo eru komnar fleiri mottumyndir inn á karlmenn og krabbamein.

 

 

 

 

 

 

 

 

 

Nýr túr. Og fleiri mottumyndir.

Við lönduðum 330 kerum í Eyjum í gær. Fórum svo út um klukkan fimm. Og erum nú á Eldeyjarbanka ásamt fleiri skipum. í þokkalegu veðri og fiskiríi.

Þessa mottumynd tókst ekki að setja inn síðast út af einhverjum tölvuvandræðum.

Arnar er farinn í frí og Snæþór kominn um borð. Með mottu.

http://karlmennogkrabbamein.is/keppnin/keppandi?cid=2597

Hér fyrir ofan er slóðin inn á mottu karlana okkar á "karlmenn og krabbamein" Þar er hægt að sjá þá og heita á þá. Líka er hægt að senda SMS.

Sendu SMS

Sendu SMS á númerið 905-5555 með keppnisnúmeri 3597 í textasvæðið til að heita á keppanda.

Ath - 499 krónur verða gjaldfærðar af símreikningi.

Mottukeppnin.

Þá er komið að því. Hér koma mottusafnarar á Þorsteini.

Flottir, ekki satt.

Í aftari röð frá vinstri: Stebbi Hill, Stebbi G, Siggi Páls.

Fremri röð. Gunni, Laugi, Arnar, Óðinn, Axel  og Alli.

Svo er bara að velja flottustu mottuna.

Ef einhverjir lesendur síðunnar vilja taka þátt í vali á flottustu mottunni þá vinsamlegast gerið það í athugasemdum.

Mottur sjást misvel.

Það átti að setja fleiri myndir inn en eitthvað er tæknin að stríða okkur þannig að þær verða að koma seinna. Enda er mottumars bara hálfnaður.

 

Löndun í fyrramálið.

Við kipptum á Kötlugrunn og náðum að fylla þar öll kerin af gæða fiski. Og nú erum við á leið til Eyja og verðum þar um átta leitið í kvöld. Og löndum í fyrramálið.

Verið að leysa frá pokanum í loka holinu.

Aflinn á leið í lestina.

Og kominn í ker.

Og svo er ísað yfir.

Full ker af fiski.

Og myndir af körlum með mottur, koma inná síðuna í kvöld.

 

 

Mottumarz

Best að byrja á að setja inn mottumyndir.

 

 

Axel og Stebbi Hill.

 

 

 

Óðinn.

 

Við höfum verið á karfaveiðum í Skerjadýpi. 

 

 

 

Og gengið vel eins og myndin sýnir. En erum nú að kippa í austurátt. 

 

 

Bakborðstrollið komið inn. 

Fiskitroll

Við erum búnir að skipta yfir á fiskitroll og fórum frá Eyjum klukkan sautján þrjátíu. Ég set hér inn mynd að brytanum en hann er nú að keppa sem ákafast í mottusöfnunarkeppninni. En slíkar keppnir eru víst í gangi um allt, bæði til sjós og lands. Vonandi getum við sett inn fleiri mottumyndir á morgun.

 Samkvæmt fréttum frá Grundó er fjörðurinn fullur af síld sem ekki má veiða. Og Breiðafjörður fullur af stórþorski sem má heldur ekki veiða. Svona er Ísland í dag.

Þetta fagra fjall við Grundarfjörðinn kallaði Danskurinn sykurtoppinn.

 

Loðnuvertíð lokið hjá oss.

Við náðum í morgun því magni sem við máttum fá af loðnu á vertíðinni. Síðasta kastið var mjög gott og fékk Guðmundur (góði) VE restina úr pokanum. Nú siglum við sem ákafast til Eyja. Og verðum þar um tíuleitið í kvöld.

Hvítu kollarnir á Guðmundi í einum hnapp að gera slönguna klára.

Slangan orðin klár og hvítu kollarnir búnir að dreifa sér.

Verið að dæla úr síðasta kastinu.

AIS mynd af miðunum.

Mottusöfnunin

Stebbi G hefur áratuga reynslu af mottusöfnun. Hér sýnir hann okkur meðaflann.

Hér átti að koma mynd af öðrum mottusafnara en tölvan vildi ekki birta hana. Kannski ekki nægur mottuvöxtur á viðkomandi.

 

Brælufréttir.

Við fórum frá Eyjum eftir hádegið í gær. Þegar þjóðaratkvæðagreiðslan stóð sem hæst. Og erum núna að dóla uppí bræluna. Undir jökli. Á fyrsta sunnudegi eftir þjóðaratkvæðagreiðslu.

Slöngutemjarar.

Löndunarkraninn og hjálparlyftarinn.

Löndunarslangan.

Blátindur.

Getur verið að þessi bátur "Blátindur VE" hafi á árum áður verið bæði "KE og SK?"

Hér um borð er mottusöfnun í fullum gangi og vonandi verður hægt að birta mottumyndir fljótlega.

Löndunarbið í Eyjum.

Við liggjum inni í friðarhöfninni í Eyjum og bíðum sem ákafast eftir að komast í löndun.

Það sést enn snjór í Eyjum.

Verið er að landa úr Júpíter frá Færeyjum.

Og Sighvati Bjarnasyni.

Og hreppstjórinn Sigurður fylgist vel með því sem fram fer í höfninni.

Ekki sá ég neitt nafn á þessari fleytu en þetta er tíu farþega hraðbátur. Míní Herjólfur sagði einhver á bryggjunni. Kannski

Skipalyftan á myndarlegan lofthamar.