Löndun á Þórshöfn

Við náðum okkur í góðan afla í faxaflóa og erum í þessum töluðu orðum að landa á þórshöfn og það verður búið núna seinnipartinn.Það berast fréttir af loðnu núna víða og er það bara vonandi rétt.Við erum að þrífa og pödduhreinsa lestirnar um leið og þeir eru búnir að landa því það á víst að taka í hrogn næst.Svo við vonum bara að það verði góð veiði áfram.....

Verið að þrífa og pödduhreinsa lest

 

Það var lágskýjað í Lónafirði í morgun

Ein mynd handa Guðrúnu Ágústu

Komnir til Eyja

Það tókst að fá í dallinn í morgun og  lögðum við af stað til Eyja rétt fyrir hádegi. Við komum til Eyja um 7 leitið í kvöld og var strax hafist handa við að landa. Við erum með vinnsluloðnu í fimm lestum og hitt fer svo í grút.Það er svo bara gleðiefni að bræðslufólk hætti við verkfallið svo við getum haldið áfram veiðum ótrauðir

Á Þórshöfn

Við erum að landa á Þórshöfn.
Og í beinni á "http://157.157.77.163:8080/view/index.shtml" ef þið viljið horfa á okkur.

Á leið til Þórshafnar.

Um kl. átta í morgun vorum við búnir að fylla allar lestar af hráefnum, bæði fyrir frystihús og bræðslu. Síðan var lagt af stað til Þórshafnar og við verður þar til löndunar í fyrramálið. Það hefur verið hið ágætasta ferðaveður.

Korkateinninn. Ekki lengur úr korki heldur einhverju töfra gerviefni.

Nótin dreginn.

Börkur frá Fjarðabyggð.

Skarðsfjara.

Við fórum frá Eyjum um kl. 0415 og köstuðum milli níu og tíu í morgun. Það er búið að vera ágætis veður í dag en samt leiðinda sjólag eftir bræluna. Og svo eru hér áætlun um hvar eigi að landa. Plan A: Landa á Þórshöfn. Plan B: Landa í Eyjum.

Gunni og Stjáni.

Axel og Stebbi Hill.

Þorleifur og Jón.

Stebbi G ásamt einum sem ekki vill láta nafns síns getið.

Nótaskúffan að fyllast.

 

Rok og rigning í Eyjum.

Við komum til Eyja um sexleitið í morgun. Þá var byrjað að landa vinnsluaflanum. Eftir hádegismatinn var byrjað að landa þeim afla sem fer í bræðslu og var þá landað samtímis í vinnslu og bræðslu. Er leið á daginn fór Kári að láta til sín taka. Semsagt  rok og rigning. Ekta Eyjaveður.

Vindhraði var frá 23 m/sek.

Uppí 29 m/sek.

Veðurbarðir löndunarkarlar.

Á leið til Eyja.

Við fórum frá Þórshöfn kl. 0830 í gær. Og byrjuðum veiðar í morgunsárið. Við vorum komnir með skammtinn okkar um kvöldmataleitið.  Enduðum svo með því að dæla afgangi frá okkur yfir í Guðmund. Verðum svo í Eyjum í morgunbyrjun.

Fagraberg frá Fuglafirði.

Faxi frá Reykjavík.

Korkurinn á kafi. 600 tonna kast.

Dæling.

Jón við vísindastörf.

Hæstvirtur herra háyfirbryti eldar LASAGNE.

Landsýn.

Bræðslan á Þórshöfn.

Farnir frá Þórshöfn

Þeir voru ekki lengi að rykkja upp úr skipinu 1716 tonnum strákarnir úr löndunargenginu á Þórshöfn á meðan aðrir íbúar þorpsins gæddu sér á þorramat og renndu honum niður með íslenskum brennsa og öðrum göróttum drykkjum.Prinsinn var víst dyravörður og sá ekki víndropa á honum frekar enn fyrri daginn.Við notuðum tækifærið þegar við komum í land og gerðum við pokann svo nú sleppur ekki padda úr honum.Við verðum komnir á miðin í nótt og verðum vonandi fljótir að fylla....

Tveir alveg búnir á því

Verið að laga pokann

Þolli alltaf með bros á vör

Laugardagsblogg.

Við erum að sigla til Þórshafnar og verðum þar í kvöld. Til löndunar. Í gær köstuðum við nokkrum sinnum og  náðum að fylla allar lestar. Fengum líka slatta frá Álsey og Ásgrími Halldórssyni. Sem þeir áttu í afgang.

 

Verið að koma dæluslöngunni yfir í Álsey.

Baldvin lagfærir loka í lensikistu.

Þessi tedúkur kom uppúr tuskupoka. Sem á að innhalda afþurrkunarklúta fyrir vélaliðið. Eins og sést á textanum þá er þetta Írsk blessunarorð. Minna dálítið á kosningaloforð Danska framfaraflokksins hans Glistrup heitins. En hann lofaði hjólreiðarmönnum meðvindi og greiðri leið. Ásamt sól og blíðu. Bara kjósa rétt.

 

 

Smáfrétt.

 Hér koma myndir sem áttu að fylgja síðasta bloggi. En einhverra hluta vegna vildu þá ekki inn á síðuna. Við erum í Eyjum og vorum að landa 950 tonnum. Og förum  út klukkan sautjánhundruð.

 Þetta er Aðalsteinn Jónsson frá Fjarðarbyggð.

 Og Jón Kjartansson frá sama stað.

Beitir, einnig frá Fjarðabyggð. Hét áður Serena frá Eyjunni grænu.

Bræðslan, FES. Í baksýn er hraun sem rann úr gosinu í Eldfelli 1973.